好怕同隻豬溫習，若果用返以前兩老用個種方法去同佢溫習，一定會嘔血‧

係超級無奈之下諗左成晚，終於諗到點做，就係去買塊 White Board 返黎，用佢邊玩邊串英文生字‧

噚晚試左啦！真係得呀！

我先叫佢用白紙重覆寫今日要默既英文字，之後我就用塊 White Board 寫返中文解釋係度，就叫佢填返英文畀我睇‧

開頭都重有寫錯，咁我就話再練多一陣字先，寫完後我地再用塊板黎寫，佢又真係好乖咁去寫字，寫完又叫我再考佢‧

今次真係有進步，於是我將中文字既次序改一改，叫佢再默寫，又真係得啵！

食完晚飯佢又要再默寫過，好 ~~~~ 見你咁有心機一於再試！哈哈哈！全中呀！

今朝我地係返學前就捉埋爸爸同佢一齊玩多次先返學，隻豬好叻呀，隔左一晚都重記得呀！

嘻嘻嘻！咁樣我會易 d 教佢兼無咁勞氣 lu！

Posted by miriamwt at 痞客邦 PIXNET Comments(0) Trackback(0) Hits(64)

Shorten Url Recommend to Front page Forward by E-mail Forward to Guestbook