全因有你

voicexml

     之前同各位提過隻豬補習班導師囡囡既濕疹好嚴重，於是我執左一大堆野畀佢試用，當中包括左紫雲膏‧

     佢囡囡用左一排發現好左同有改善，但上次畀左三支唇管裝紫雲膏佢，好快就用完，跟住導師打畀我問重有無‧

     咁我呢個懶人上次都係因應家姐要求先至再開工整紫雲膏，剩低既存貨好少，真係畀唔到佢‧再加上我唔想畀人再話我係屋企整生化武器，所以拒絕左唔幫佢整‧

     於是我呢個衰人就係都要佢學整，最多我幫佢買埋料，當然架生佢去買啦，等佢浸左 D 料大約一個禮拜度我就上佢屋企整‧

     當然有部份材料好似白蜂蠟同苦楝油佢買唔到我會畀埋佢，搞好晒呢 D 野係上星期二我拎埋個炸藥材既煲去左佢屋企搞亂檔‧

     開頭想叫佢用燉既方法，但佢屋企無咁大個煲去放燉盅，最後只好用炸既方法‧

     起初炸時當然無乜味，剩係得好香既麻油味，整整下 D 味開始黎喇，因為我個鼻唔知點解好似失靈咁，完全唔覺有陣炸藥材既味，但個陣味已經飄左出客廳 lu‧

     我係度整時導師企係我隔離睇，佢話開頭以為好難，但睇落去唔難，係最重要睇火同反藥材包，以免炸過火‧

     如是者炸左廿分鐘終於禮成，我成煲野拎出去加白蜂蠟同苦楝油，跟住幫佢倒埋入個玻璃樽‧

     係倒苦楝油入去前我畀佢地兩個索下係咩味，導師就話無乜野啵，佢囡囡就話好鬼死臭，超級難頂

     呢次整左應該有 700g，估計用到一年，如果咁唔好彩頂唔到既，我只會係幫佢買料同借個煲畀佢，等佢自己黎 lu‧

     遲 d 順便教埋佢整潤膚膏，咁佢地可以唔使等我得閒整先有得搽，事關我呢個懶人唔到最後關頭都唔會整畀自己用，佢地等得我黎都 r 爛肉囉！

     我呢 d 衰人情願無條件教人，都唔想佢係出面亂咁幫 sellers 買黎用，整一次成本幾多有數得計，無奶油益人賺佢幾倍或者幾十倍囉！