全因有你

前傳

"媽咪媽咪！丫烏公企係梳化前面摸我隻手，同我講要乖 d 聽爸爸媽咪話呀！"


後話

係復活節假時隻豬已經可以自己一個人訓佢自己張細床，但唔知點解呢一排都唔得 .......................

呢個幾星期都好似之前咁，等佢訓著左先抱佢返細床，但係好奇怪地一到兩點零三點佢好似發夢同人打交咁，係咁郁手郁腳，打完一輪跟住就會起身，或者係喊住要走返去我張床訓 ..............

到左今日零晨三點幾，佢又係咁樣打完一輪交，之後坐係度喊，跟住要走返去我張床訓‧

我就唔理佢，爸爸起身睇下佢咩事，隻豬個樣係好不安好唔知點咁，總之就唔肯再訓細床‧

爸爸話佢係度行黎行去，係我張床邊不停咁行，又係咁搞我想我起身，其實當時我係醒左，但我唔想佢慣性要我陪訓，所以繼續扮訓覺‧

之後隻豬同爸爸講，見到一男一女，係公公婆婆黎o既，就係細床個度搞住佢，但唔係嚇佢啵，剩係望住佢 ........

今朝爸爸同我講返呢幾句野時我都嚇一嚇，屋企唔係咁多 "親朋戚友" 係度掛，"各位" 當真想見下個曾孫都唔使日日都黎睇掛 .......................

唉！到底係隻豬講大話定真係咁煩，我就希望係隻豬講大話囉！