是否復發了？？

呢幾日雙腳腳踝位內側非常之痛，同 02 年當時o既情況差唔多，今次好少少並無全身水腫‧

基本上今日雙腳係痛到行路都好辛苦，但無奈地邊有可能唔使行，就算唔使返工都要揍女返學放學煮飯畀佢食‧

原本諗住今日返工後即刻去睇中醫 ............. 諗諗下 ............ 我睇開個中醫逢星期三同假期都唔開門 .......

夜晚接左隻豬已經極之想即刻返屋企，但對腳又好痛，唯有係學校對出遊樂場抖下，同時打電話畀爸爸叫佢聽日一定要返香港，我怕我會頂唔順連個女都無能力照顧‧

唉 ................. 聽日又要麻煩婆婆接隻豬放學，等我睇完中醫先去婆婆屋企食飯兼帶女返歸‧

Posted by miriamwt at 痞客邦 PIXNET Comments(0) Trackback(0) Hits(100)

Shorten Url Recommend to Front page Forward by E-mail Forward to Guestbook